Is Anne Curtis wearing an underwear on her “Black Widow" black cut-out see-through dress?

GMA NEWS:

Binigyan ng kasagutan ng designer sa likod ng agaw-pansing gown na isinuot ni Anne Curtis sa 1st Philippine Fashion Ball na ginanap kamakailan, ang palaisipan kung may suot bang underwear ang magandang aktres.

Sa panayam ni showbiz reporter Aubrey Carampel, sinabi ng sikat na designer na si Rajo Laurel na “Black Widow" ang tawag sa black cut-out see-through dress na isinuot ni Anne.

Ang naturang style ay inspired daw sa spider at suot din ng stylist na si Pam Quinones sa naturang fashion event.

Masaya si Rajo dahil marami ang pumuri sa kanyang obra at naging usap-usap pa kahit sa Internet.

“It became a viral sensation. Kasi pati ako nagulat… kung titingnan mo naman siya talaga balot na balot sila…long sleeves, turtle neck pero meron lang little pocket of skin," paliwanag ni Rajo sa Chika Minute ng GMA news 24 Oras nitong Biyernes.

Sa naturang disenyo, kapansin-pansin na ang maseselang bahagi na lamang ng katawan ni Anne ang natatakpan. Kaya naman naging palaisipan sa iba kung may suot bang underwear ang aktres.

“Oo naman," ayon kay Rojo. “Marami naman nabibili ngayong underwear na yung seamless, yung hindi nakikita." -- FRJimenez, GMA News